Top 10 Powerful Real Life Inspirational Stories in Hindi

Top 10 Powerful Real life Inspirational Stories in Hindi | Real Life Motivational Stories in Hindi

Namskar Dosto aap sabhi ka Knowledge Grow Motivational Blog par swagat hai. Dosto aaj ke is Article me hum aapke saath Top 10 Powerful Real Life Motivational Stories in Hindi me share karne wale hai.

Agar aap es article ko aakhir tak padhate hai, Tab aapko 10 Jiddhi mahaan log aur unke hadpaar pagalpan ke bare me Janane ko mil Jayega. Dosto isliye aap Top 10 Real Life Inspirational Stories in Hindi article ko anth tak jarur padhiye. To bina samay ko gavaye chaliye shuru karte hai.

Top 10 Powerful Real life Inspirational Stories in Hindi

• Top 15 Motivational Stories In Hindi For Success
• Top 10 Best Life Changing Gautam Buddha Stories in Hindi

Oprah Winfrey Real Life Motivational Stories in Hindi

Duniya ki sabse taqatwar mahilao me se ek Oprah winfrey ji ka janm 1954 me mississippi mein ek avivaahit mahila ke ghar me hua tha. unki maa ne unhe bachapan me apani naani ke ghar me chhod diya aur unse dur chali gai, jahaa oprah winfrey ka unake rishte daaro ne rape kiya.

jiski vajah se oprah ji 14 varsh ki umar me hi pregnent ho gayi aur kuchh samay baad unke bachche ki maut garbh me hi ho gai. High school ke dauran unhonne ek Radio Company me kaam kiya aur 19 varsh ki umar me ek sthaniya evening show me co- anchor ban gai, uske baad vah din me prasarit hone vale ek local channel ke show se jud gai.

kuchh samay baad unhe ek news channel me news anchor ki job mil gai aur 1978 me the people talk show ko host karne ka mauka mila. isi show me kaam karane ke dauraan unhen apane jeevan ke asali makasad ka ahasaas hua aur vo apane sapanon ko poora karane ke liye shikaago chali gai.

kuch saalo ki mehnat ke baad aakhirkar 1986 me unhonne ” the oprah winfrey show ” ki shuruvat ki , ye wahi show tha jisane oprah winfrey ji ki life badal di. oprah winfrey ne es show me pahale mahilao se jude muddo par baat ki aur phir baad me samajik, chikitsa, raajanitik aur filmi jagat ke vishayo ko bhi isame shamil kiya.

oprah winfrey ke isi show me duniya ki badi – badi hastiya shamil hui aur Oprah ka jivan safalta ki bulandiyon ko chhu gaya, isi ke saath unhonne harpo production naam ki ek company ki shuruvaat ki . 2013 me unhe Presidential Medal Of Freedom award se sammaanit kiya gaya. 2022 me forbs ke anusaar unaki net worth $2.6 billion hai.

oprah ne jeevan ke bure daur se nikal kar khud ko prabhavshali banaaya aur apane dukh aur apane saath biti hui buri ghatanaon par dhyaan na dekar, apane sapano ko pura karane me lagi rahi aur khud ko ek prabhaav shali vyaktitv banaya aur jivan me sakaratmak Parivartan lakar safalata ki bulandiyon tak pahunchi.

(Short Motivational Story in Hindi For Success)

Mohammad Ali Real Life Story in Hindi

Mohammad Ali ek amerika ke professional boxer the, jinko duniya ka sabse mahaan heavyweight champion kaha jata tha. Unhone apne cariar ki jyadatar fight nock out me jiti hui hai.

Mohammad Ali ji ne apne cariar me total 61 fight ladhi hui hai jisame se unhone 56 jiti hui hai. Vo apne pure carrier me sirf 5 baar hi haare hue hai, aur yahi unhe dusare boxer se alag aur mahaan banata hai.

Mohammad Ali ka janm 17 january 1942 ko amerika me hua. Aur unka naam pahale “Cassius Marcellus Clay Jr” tha. Aur unke boxing ki shuruvaat ke piche bhi ek interesting story hai.

Jab vo 12 saal ke the tab unki saykal chori ho gai thi, aur jab vo police ke paas gaye to unhone police ko kaha ki vo us chor ko punch maranaa chahate hai, tab pulis wale ne unko kaha ki agar tumhe logo se ladna hai, to tumhe ladana bhi aana chahiye.

Ye shabd Mohammad Ali ke liye motivation ban gaye aur tabhi se unhone boxing ki training shuru kar di, jis police officer police officer ne unhe aisa kaha tha vo boxing ki training bhi dete the.

Mohammad Ali ne shuruvat me unhi se apni training li aur unhone apni pahali fight 1954 me 12 saal ki umar me jiti thi. 1956 me unhone light heavyweight tournament me jit haasil ki.

1956 me unhone boxing kota se rom olimpic me qualify kiya, jaha apni performance se logo ke dil jit liye. Ali ne apni tej speed aur powerful punches se Poland ke boxer Pietrzykowski ko hara kar gold medal ko apne naam kar liya.

Kuch hi time baad vo usi gold medal ko pahankar apne kisi paas ke restaurant me gaye, jahan se unhe nasl bhed ki vajah se nikaal diya gaya aur unhone gusse me aakar apne gold medal ko paas vali nadi me faik diya. Aur apni Jiddh ko barkarar rakh kar unhone boxing career ka decision ko nahi badala.

1963 me unhone apne pahle professional match me Henry Cooper naam ke boxer ko hara kar duniya ko apna dam dikhaya aur 1964 me 22 ki umar me unhone Sony Listen ko haraya aur pahali baar heavyweight championship ko apne naam kiya. Jaha unka naam the greatest pad gayaa, aur unko usi naam se bulaya jane laga.

8 march ko Mohammad Ali ki fight Joseph William Fraizer ke sath hui aur fight 15 round tak chali aur Mohammad Ali ko apni 10 sal ki boxing cariar me pahli baar haar ka samna karna pada. Mohammad Ali us time regular 31 match ke winner rah chuke the vahi par Fraizer regular 26 matches ke winner rah chuke the.

1990 me Saddam Husain ne 2000 hostage ko bandi banaa diya tha, jiske chalte Mohammad Ali bina kisi dar ke Saddam Husain ji se baat karane bagdad chale gaye. Aur apne sath 15 hostages ko lekar aaye.

1984 me Mohammad Ali parkisan bimaari se pidit hue the, uske sath sath 2016 me unko sans lene me taklif ki vajah se hospital me unko admit Kiya gaya lekin agle hi din unki maut ho chuki thi. Unko bbc ne sports personality of the century ka samman diya.

• Jarur Padhe: David goggins Inspirational Biography in Hindi

(Real Life Motivational Stories in Hindi)

Abraham Lincoln Real Life Story in Hindi

Abraham Lincoln jo amerika ke 16 ve rashtrapati the, jinko log unki dayaluta, baar baar mili haar aur logo ko slevari se mukt karvane ke liye jane jate hai. Unka zopadi se lekar white house tak ka safar aaj logo ke liye misaal kaayam karta hai, jo ki 1861 se 1885 tak amerika ke president rahe hue hai.

Abraham Lincoln ji ka janm kentaki ki hardin county me ek ladki ke chote se ghar me hua tha. Unke pita ka naam Thomas Lincoln tha, jo ki ek kisaan hua karate the. Aur jab Lincoln 9 saal ke hue tab unke maa ka dehant hua.

Abraham Lincoln ji bachpan me to bahut aalsi hua karate the , lekin unke family ki condition aachhi nahi hua karati thi, jiske karan unhe lakadi katane ka kaam karana pada. Unhone khet me majduri ka kaam bhi kiya. Aur baad me vo shahar ke sabase imandaar vakil bhi kahlaye.

Unhone apni life me 20 saal tak vakalat ki aur itane saal vakalat karane ke bavajud bhi unke family ki condition jyada achhi nahi ho payi, kyunki ve jyadatar garibo ke liye kese ladhate the aur unase jyada paise bhi nahi lete the.

Iski vajah yah thi ki vo kes solve karavane me jyada dhyan dete the, aur baad me fiss milati ya nahi milti, isase unhe jyada fark nahi padta tha. Vo bas apna kaam karate rahate the.

Aadhe se bhi jyada keses vo courtroom ke bahar hi solve karte the, taaki kisi ka kes ke chakkar me jyada financial loss na ho, isi imaandaari ke vajah se vo financial taur par garib rahe.

Aisa nahi hai ki imandari se paise kamaye nahi jaa sakte hai, lekin unka profession aur financial condition bhi court cases par depend thi. Aur vo logo se jyada paise bhi charge nahi karate the.

Ek baar unhe kisi clint ne $25 fiss ke taur par bheje, to unhone 10$ vapas unko bhej diye, kyunki unhe vo fis jyada lag rahi thi. Unhone apni puri life me kabhi bhi paiso ke liye kaam nahi kiya .

Jab Lincoln ji ki shadi 1842 me mary Todd ji se hui thi, vo din unka aakhri din tha , jab Lincoln ji khush the, kyun ki unki patni bahut ghamandi aur gusse wali thi aur uske sath hi bahut hi jyada mahatvakankshi mahila thi.

Unki patni Mary Todd ne pahale hi bol diya tha ki vo usi vyakti ke sath shadi karengi , jo aage jaakar amerika ka president banega. Jis baat ka log majak bhi banaya karate the.

Shadi ke baad Lincoln aur unki wife kai dino tak Springfield me kiraye par rahe, jaha unki shadi hui thi. Jahaa unki wife ne kisi baat se gussa hokar Lincoln ji ke muh par garm chay fek di thi.

Lekin Abraham Lincoln ji itane shant swabhav ke insaan the, ki unko gussa tak nahi aaya. Aur vo Lincoln ki shakl aur pehnave ka majak bhi banaya karati thi.

1854 me unhone raajneeti me apna Kadam rakha, isase pahale bhi unhone raajneeti me apna Kadam rakha tha, lekin kai election haarne ke baad unhone raajneeti ke is safar ko bich me hi chod diya tha. Is baar bhi ve chunaav me khade hue lekin is baar bhi unhe haar ka samana karna pada.

Vo wing parti se jude hue the, lekin kuch time baad vo parti khatm hui aur unhone republican parti ko join kiya. Vaha se unhone voice president ke liye chunav ladha, lekin usme bhi vo phir se haar gaye.

Unhone garib logo ke liye pehle hi bahut kaam kiye hue the. Aur kyonki vo daas pratha ko jad se khatm karana chahate the, to isi vishay me unhone apni ek speech me kaha tha ki vo amerika ka batwara nahi hone denge. Aur jaativaad aur gulaami ko desh se mitakar hi rahenge.

Unke es speech se log itane prabhavit hue ki fianaly itane haar ke baad bhi ve amerika ke 16 president ban gaye. 1860 me vo Amerika ke 16 ve president ke pad par chune gaye, unhone apne speech me jaisa kaha tha, unhone thik vaisa karake bhi dikhaya.

Vo sabhi promises jo unhone longo se kiye hue the, unhone un sabhi ko pura kar diya. 14 April 1865 ko vashington dc me Ford theatre me ek live show ke doran unki hatya ho gai. Ab tak vo amerika me 46 president rahe hai, unme se Abraham Lincoln Sabse famous rahe hai, jinhe unki dayaluta aur principles ke liye jane jate hai.

(Success Motivational Story in Hindi)

Andrew Carnegie Interesting Real Story in Hindi

Dosto Andrew Carnegie Scotland me janme ek industrialist the, jinhone apni garibi me amerika aakar duniya ka Sabase amir insan bankar dikhaya. Andrew Carnegie ka janm Dunfremline Scotland me hua tha, unke pita ka naam William Carnegie tha, aur maa ka naam Margaret Morrison Carnegie tha.

Dunfermline linen ka kapda banane ke liye famous tha lekin kisi reason se linen ka kaam dhire dhire kam hone lagaa aur kapade ka kaam Kam hone ki vajah se chartist andolan join kiya.

Lekin 1848 me vo andolan vifal ho gaya, tabhi William aur Margaret ne apna sara saaman bech diya taaki vo apne bete Andrew aur Tom ko lekar achhe fature ke liye amerika jaa sake us vakt Andrew ki umra sirf 13 saal ki thi.

1848 me hi Andrew ji ke pita William ji ne Allegheny, Pennsylvania me basane ke faisala kiya, jaha unke dost aur rishtedar rahate the. Aur Andrew Carnegie aur unki family amerika ship se chale gaye the, jo newyork tha. Andrew ji us bade shahar me aakar vaha ke logo aur halchal ko dekhkar achambhit the.

New York se Andrew ji ki family ek stim bot se Pennsylvania apne relatives ke yaha dukaan par jakar kaam karne lag gaye, lekin kuch time baad unke pitaa ka bunaai ka kaam bhi fail ho gaya. 13 saal ki umar me Andrew ji ne Pennsylvania ki ek kapda banane ki factory me nobin boy kaa kaam kiya, jahan se unhe ek hapte ka $1.20 milta tha.

Ek saal baad Andrew ji ne vahaa ki ek telegraph company me massager ka kaam kiya aur kuch time baad unhone kaam sikh liya, Aur inhe telegraph operator ki job mil gayi. Lagbhag 10 saal vaha kaam karane ke baad Andrew ji telegraph opraterating me itane master ho gaye ki unhe Pennsylvania railroad me Superintendent ke pad par naukari mil gai.

Us time unki umra 24 saal thi aur usi job ke dwaraan von James Anderson ki kholi gaye pustkalay me padhai bhi kar rahe the. Railroad ki naukari ke dwaran Andrew ke boss Homas A. Scott jihne Andrew ji ko edams express company ke 10 shares kharidne ki salah di aur Andrew ki maa ne Margaret ji ne apne ghar ka kuch saaman bech kar Andrew ko $500 dollar diye.

Jo ki Andrew ki life ka pahala investment tha aur jald hi unhe isame profit hone laga. Railroad ke kaam se jude rahane ke dauran Andrew me kahi aur kaam dekhana shuru kiya , kuch samay baad Theodore Woodruff ji ne Andrew ji ko sliping rail car ka idea diya aur Andrew Carnegie ji ne usme invest Karake usame apna hissa le liya. Jiska naam Woodruff Sleeping Car Company tha.

Andrew ne usme invest karane ke liye bank loan liya hua tha jo ki Andrew ki life badal dene vaala ek sauda tha. 30 ki umar me Andrew ne lohe ke kaam, lek par strimer aur oil ke kaam me intrest lena shuru kar diya. Baad me vo finally lohe ke kaam me jyada interest dikhne lage aur unhone apni khud ki “Carnegie Steel Corporation” naam ki company banayi. Aur phir Andrew ji ne apni mehnat ki vajah se din b din amir hote gaye.

Andrew ko modern philanthropy ka janak kahaa jata hai, unhone 1870 ke baad Philanthropy ka kaam karana shuru kar diya. Andrew ko jyadatar apne dwara kholi gai free laibrari ke liye jana jata hai. Apne philanthropy ke kaam ke dwaraan hi unki mulakat Louise Whitfield se hui, jinse vo newyork me mile hue the.

Baad me vo bhi Andrew ke kaam me unka sath dene lagi, uske 2 saal baad. Unhone Gospel Of Wealth book ko likha, jisame unhone amir logo ko apne dhan ko daan dene aur duniya me achha kaam karane ke liye kai vichaar rakhe.

1901 me Andrew ne apni company ko 480 million dollar me J.p Morgan ji ko bech diya aur vo retired ho gaye. Retirement ke baad Andrew ji ne apne dhan ko laibrari ke alava charch banavane me istemal kiya.

Unhone apne dhan se kai desho me school , college aur pustkalay banavaye. Unhone apne naam se kai trust banaye jisse vo logo ki help kar sake. Carnegie ne apni Philanthropy ke jariye 2509 pustakalay banvaaye jisme se 1679 pustakalay sirf amerika me hi the, jisame unhone 55 million dollar daan diye the.

Unhone pustakalay isiliye banavaya kyon ki vo aese longo tak education pahunchana chahte the, jinke paas padhane likhane ke liye prayapt dhan nahi hai.

11 august 1919 ko Andrew Carnegie ki maut ho gai, unhone apni death ke time jitna bhi dhan kamaya hua tha, sab kuch logo ki bhalai aur duniya mein Shanti failane ke liye daan de diya tha. Lekin World War ki vajah se vo aakhiri samay me bhi khush nahi the, kyunki unke dwara sab kuch kiye jaane ke baad bhi duniya mein is tarah ki ghatnaye hoti hi jaa rahi thi.

(Real Life Inspirational Short Stories in Hindi)

Albert Einstein Motivational Real Story in Hindi

Albert Einstein jitne bade scientist the unka rahan sahan aur pahanava bhi utna hi simple aur minimal tha. Unko dekhkar ye nahi lagta tha ki vo duniya ke itane mahaan scientist hai, jinhone duniya ko aise revolutionary formula diya hai. Aur jinhe puri duniya respect ki nazar se dekhti hai, jinke kaamo ki vajah se unhe Nobel prize jaise bade award se nawaza gaya tha.

Albert Einstein ka janm 14 march 1879 ko Germany ke ek sadharan parivar me hua tha. Unke pita ek electronic workshop chalathe the. Winston bachpan se hi apne uncle ke paas rahe hai, jinhone Einstein ki buddhimatta ko bachpan se hi science ki or moda aur unhe gift me science se jude instruments hi diye, taki unaka intrest science me banaa rahe aur aesa hi hua.

Einstein jevish family se belong karte the lekin unhone padhai ek catholic school me ki kyunki vo yahudi parampara o ko jyada mahatv nahi dete the. Isiliye unhone High school bhi Luitpold Gymnasium se puri ki. Einstein ko Bachpan se hi science me intrest ke chalte 1909 me munich university me professor ban gaye.

Uske baad vo Kaiser Wilhelm Society University ke dairecter bhi bane. Vo bade scientist ke sath sath ek udar insan bhi the, Vo bahut dayalu insan the.

Einstein hamesha apne aap ko ek sadharan aur normal type ka insaan banaya rakhte the, unko famous hona jara bhi pasand nahi tha, lekin unhe hamesha respect aur fame milta ja raha tha, kyunki woh aisa remarkable kaam kiye jaa rahe the ki vo chupaye nahi chup rahe the.

Albert Einstein jab nobel puraskar lene scotholms gaye the, tab vo apna purana gisa pita jacket pahankar gaye hue the. Jo unke dost ne kai saal pahale diya hua tha. Taki vo normal insan jaise dikhe, lekin vaha par bhi aesa nahi hua, unhe baki longo se alag aur jyada respect di gai.

Einstein ke pass jarmni ke alava switzerland, austria, aur amerika ka bhi citizenship thi. Einstein ne apni puri life me kai fild me apna contribution diya hua hai.

(Successful Person Story in Hindi)

Richard Branson Motivational Kahani in Hindi

Aap kisi bimaari ke karan hath par hath dhar baithe rahane vaalo ko Richard Branson ki Life Story kafi inspire karegi. agar vaise bhi ham dekhe to Richard Branson aise billionaire hai, jinki ginti top list me to nahi aati lekin unke ups and downs aur life ko jine ke tarike se apne aap ko baki billionaire ke jitana famous banaane me kafi safal sabit hote hai.

Richard Branson ka janm 18 julai 1950 ko london me hua tha, unke pita barrister the aur unki maa Air hostess thi. Unhe disleksia naam ki bimari ki vajah se padhne aur likhne me pareshani hoti thi, jiske karan unhko 16 saal ki umar me padhai chhodhani padi.

Usi bimari ke karan school me unki pahchan ek mand buddhi ke rup me hone lagi thi, unke according school chhodne ke Last day unke head master ne unhe kaha tha ki woh saari zindagi jel me bitayenge ya phir ek millionaire banenge, lekin unki yah baat zhut sabit hui kyunki vo ek billionaire ban gaye.

School chhodne ke baad unhone Christmas tree aur birds ko bechane ka kaam kiya, lekin vo kisi karan se fail ho gaya. Uske baad 1966 me unhone “students” naam ki ek magazine launch ki, jiski pehli copy 1968 me biki. Magazine launch karane ke ek saal ke andar unki net worth 50000 pounds ho gai thi.

Richard us magazine me kai music records aur music album ki advertisement prints karate the aur unhone es magzine ke chalte kai celebrities ke interview bhi liye. Apni magazine me di Jane vaali advertisement ki vajah se unhe khud ke record Shop ko kholane ka Idea aaya, jo shuruvati me kafi achha chalaa Lekin 1971 me purchase tax n bharane ke Karan unhe 70000 pound ka fine bharana pada tha.

Jiske liye unhe unke pita ka ghar girvi rakhna pada. Uske thik ek saal baad 1972 me Richard ne Nik Powell ke sath milakar virgin Records naam ki company banaai, har businessman ki tarah unhe bhi starting me bhi kafi pareshani ka samana karna pada. Kai pareshaniyon ke bad unki yah company chal padi.

Virgin Records ki safalata ke baad unhone travel sector me kadam rakha. 1984 me unhone Virgin Atlantic Airways Limited Naam ki ek company banai aur 1985 me Virgin Holidays Naam ki ek company bhi banaai, jisame vo logo ko Holidays aur travel packages provide karne ki service dete hai.

1992 me ek financial nuksaan ke karan unhe Virgin Atlantic Company ko bechana pada, lekin unki cariar ki shuruaat music records bech kar hi shuru hui thi.

isiliye 1996 me unhonne phir se music industry me kadam rakha aur V2 Records naam ki company banai . apne purane airlines Business ke jaane ke baad unhone phir se Euro Belgian Airlines naam ki company ko eqvaayar kar liya aur use Virgin Express naam diya . 1997 mein unhonne relve ke Business me bhi investment kiya aur Virgin Rail Group naam ki company banaai.

Richard kaa naam un businessman me liya hua hai, jo future ko dhyan me rakhate hue apne samay se aage ka sochate hai, ab unhone apna sara dhyan space tourism me laga liya hua hai. Usi ke chalate 2004 me unhone announcement me bataaya ki unhone Virgin Galactic naam ki ek company banai hui hai, jisme vo ko future me space tourism ki service provide karenge.

2008 se unhone Virgin Healthcare naam se clinic chain bhi banani shuru ki , jo aaj safal tarike se chal raha hai, sath hi unhone life me kai Failures ka samana bhi kiya hua hai, unhone Virgin Cola , Virgin Cars aur Virgin Publishing naam se business start kiye lekin vo chal nahi sake.

Virgin Group me aaj 400 companies kaam kar rahi hai, richard 2020 ke anusaar 4 billion dolars ki sampatti ke maalik hai, ek aise insaan jinko apni bimari ki vajah se apni padhai bich me chhodani padi aur kai asafalatao ke baad bhi apne aap ko ek bade mukam par jamaaye rakhna aur jindagi me ko ek alag advanchar ke tarike se dekhane ke najiraye rakhane vaale Richard se hame bahut kuch sikhane ko milata hai.

(Motivational Kahani in Hindi)

Cristiano Ronaldo Short Motivational Story in Hindi

Cristiano Ronaldo duniya ke top football players me se ek hai, jo 2020 ki forbs me highest paid athletes me second number par hai. Unki success kuch is tarah ki hai ki use kismat ka khel samazate hai, lekin unki dedication aur mehnat ne unke game ko perfection ke alag lavel par pahucha diya hai.    

Cristiano Ronaldo ka janm 5 faravari 1985 ko portugaal ke Madeira, city me hua tha. Unke pita ek mali the aur unki maa ek cook thi. Unke pita amerikan president Ronaldo Regan ke bade fan the, isiliye unhone ronaldo ka naam ronaldo rakha.

Ronaldo ke pita ek alcohol addict the aur apni kafi salary wo sharab pine me gava dete the. isi reason se unki financial condition bachpan se hi sahi nahi thi. Aur financial condition ki vajah se jab ronaldo apni maa ke pet me the, tab unki maa apne 4th bete ko janm dena nahi chahati thi. 

Unhone abortion karane ki koshish bhi ki lekin docters ne manaa kar diya kyun ki kudarat ko shayad ye manjur tha ki duniya ko ek behtarin player dena hai. ronaldo ko bachpan se hi football khelne me interest tha. jab vo 8 sal ke the tab pahali baar vo apne shehar ki local team se khele the, jahaa unhone bahut achha performans kiya tha. 

Achhe performans ki vajah se unhe 10 saal ki umar me Club Deportivo Nacional me entry mil gayi thi. Vaha unhone 2 saal tak bahut achhe tarike se perform kiya, usake baad vo portugal ki national team me shamil ho gaye, aur apne behtar performans ki vajah se ronaldo ka selection international team me ho gaya. Aur 2003 me manchester team ne ronaldo ko 19 million dollar dekar apni team me shamil kar diya.   

Agale 6 saal tak manchester team me rahte hue ronaldo ne 84 goals kiye, phir 2009 me spain ke Real Madrid ne ronaldo ko lagbhag 108 million dollar dekar apni team me shamil kar liya. Ronaldo game me to achche to hai, lekin har us ladke ki tarah unhone bhi bachpan me kafi aisi harkate ki hui thi, jisase unhe baad me sharminda hona padaa tha. 

Jab vo 14 saal ke the tab unhone school me ek teacher ke upar chair faik di hui thi, jisaki vajah se unhe school se nikaal diya tha. Aisi harkat unhe hum jaisa ek normal insan banaati hai. Uske baad jab vo 15 saal ke hue, tab unhe racing heart naam ki bimari ka pata chala, jiski vajah se unka football khelna ruk bhi sakata tha. Kyon ki es bimari me achanak dhadkan teji se dhadakane lagati hai aur behoshi chaane lagati hai. 

Lekin sahi vakt par ronaldo ki es bimari ka ilaj hone ki vajah se aaj unhe es jagah dekh pa rahe hai. aisi problems hamari life me temporarily hoti hai, vo aaj hoti hai lekin kal nahi isse jyada vo tik nahi pati aur Ronaldo ki life me yahi dekhane ko milta hai. aaj vo duniya ke sabse famous athlete hai, shayad hi aisa koi sports lover hoga jo ronaldo ko nahi janata ho.  

(Motivational Story in Hindi For Students)

Carl Benz Success Story in Hindi

Carl Benz ko gadiyo ka janak mana jata hai , jinhone 1885 me pahali baar aesi tricycle banai jo horceless thi yani ki binaa ghode ki thi. Jise ek gasoline engine ki help se chalaya gaya tha. Aaj ke daur ki luxury car brand Mercedes – Benz bhi 1926 me carl benz ne found ki hui thi.

Carl Friedrich Benz ka janm 25 november 1844 ko Baden – Wurttemberg , Germany me hua tha. Jab ve 2 sal ke the tab unke pita ki death ho gai. Aur vo unki maa ke sath garibi me hi bade hue. 1859 me unhone Carlsruhe Polytechnic join kiya aur 1864 me unhone mechanical engineering me graduation complete kiya.  

1872 me carl benz ne bertha ringer se shadi ki, bertha ek amir ghar se belong karti thi, jo carl benz ko shadi se pahale financial support karathi thi. Shadi ke baad unhone bertha se kuch dhan lekar partnership me ek factory dali lekin partners ke sath kuch disputas ko lekar 1883 me carl ne vo company chod di.

Usi saak unhone bertha ke dahej ki madad se Mannheim me Benz & Co ki sthapna ki aur unki company starting me sirf gasoline engine banati thi. Unke mind me kuch aisa invasion chal raha tha, jo duniya ko puri tarah se badal dene vala tha,

1885 me unhone duniya ki pahali car banayi, jo gasoline se chalathi thi. Carl ko cycle chalane ka bahut shauk tha, isiliye unhone apni pahali car ek tricycle ko lekar banai. Carl ke is tricycle automobile ko Motorwagen naam diya gaya, jis par ek baar me do log savaari kar sakte the.

Lekin es car ko banane se pahale carl ne tricycle me istmaal hone vali chijo ka bhi invasion kiya hua tha. Baaki inventor bhi horse less car ko banane me lage hue the. Lekin carl ne teji dikhate hue apne kaam ko unse kafi jaldi anjaam diya. 

Baki inventor ek pahale se bane cart par engine ko jodkar use car ka rup de rahe the , lekin carl ne apni car ko pura apne hisab se design kiya hua tha. 29 january 1886 ko carl ko apni gadi patent number 37435 mila. 1888 me carl ne apni car ki first saling start ki 1893 me unhone four wheel car ko sell karna shuru kar diya. Ye wahi three wheel car thi jise bad me 4 wheeler me upgrade karke becha gaya tha. 

1894 se 1901 ke bich carl ne 1200 car ka production kiya ye duniya ki first production car thi. Hala ki 1900 ke dwar me dusare manufacture market me aate the, jo carl ki car se kafi sasti aur takadvar gadiyan market me bech rahe the.1903 me apni company me dhyan dena band kar diya aur apne beto ke sath unhone new design car develop karana shuru kar diya.

1926 me Benz & Company , Gottlieb Daimler me Company ke sath marj ho gai, jo Germany ki leading manufacturing car company thi aur company ka naam Mercedes – Benz pad gaya. (Mercedes naam Daimler company ke ek dilar ki beti ka naam tha) Daimler aur Benz ki company aapas me marj ho gayi, lekin dono ek dusre se kabhi nahi mile the. 

Mercedes ke Daimler me marj hone ke 3 saal baad carl benz ki 84 saal ki umr me 4 april 1929 ko Ladenburg , Germany me maut ho gai. Jab carl ne shuruaat karani chahi tab unke paas kuch bhi nahi tha, carl ne apni wife ke baare me likha hua hai ki “jab me apne cariar ki me niche girta jaa raha tha, tab ek hi insaan ne mujh par bharosa kiya aur vo Bertha thi ye Bertha ka sahas tha jo usane muze nai aasha khojane me saksham banaya.

Bertha hi thi jisne carl ke invasion par bharosa kiya aur august 1888 me Carl ke invasion model three ko 66 mil ke root par pehli bar lekar gayi thi, Es drive ne Carl ki himat ko bahut badhava diya. Aaj ke time me carl ko jyada log nahi janate, lekin hame yah nahi bhulna chahiye ki carl ki vajah se hi aaj transportation itna aasan ho chuka hai, aur unka invasion duniya ko ek naye aayam tak lekar gaya tha. 

(True Motivational Stories in Hindi For Students)

Nick Vujicic Inspirational Story in Hindi

Dosto agar kisi ko lagta hai ki vo apni personal problems se jindagi me kuch nahi kar paa raha hai, ya life me aane vaali problems se jaldi hi har maan lete hai, to Nick Vujicic ki yah short biography aise logo ko inspire karane ke liye kafi hai. Nick Vujicic jinake hath  – Pair n hone ke baad bhi aaj apne aap ko ek safal entrepreneur aur actor ke rup me duniya ke samane laya hua hai.

Nick Vujicic ka janm 4 december 1982 ko melbourne , Australia me hua tha. unke pita ek accountent hai aur unki maa ek nars hai. jab Nick Vujicic ka janm hua tha tab vo bina hath – pair ke paida hue the, kyunki unhe Tetra – Amelia Syndrome naam ki ek bimari hai. Jab vo paida hue to unki maa ne unhe hath me lene se mana kar diya tha, lekin aakhir me apne bete ko swikar to karana hi tha. 

NIck ki starting ki life mushkilo se bhari thi, nick ne bataya ki hath pair n hone ke vajah se unhe roj ke kamo me dikkate to aati hi thi, lekin vo kabhi bhi apne friends ke sath khel nahi paate the. Kai baar unka majak bhi banta tha aur inhi sab problems ki vajah se vo depression me chale gaye hue the aur unhone suside attempt kiya, vo pani se bhare tank me jakar kud gaye, lekin unhe bacha liya gaya aur ye bat tab ki hai jab vo sirf 10 saal ke the. 

Nick Ke janm ke time unke ek pair ki jagah sirf ungliya thi aur vo bhi aapas me judi hui thi, jise doctor ne baad me opratation se alag kar diya tha, taaki vo unki madad se kuch chhote mothe kaam kar sake. Nick ki life ka turning point tab aaya jab unki maa ne unko ek article dikhaya jo weak log logo par likha hua tha aur usi samay unko yah ahsas ho gaya tha ki duniya me vo akele aise insaan nahi hai , jo weak log hai, aur Nick ne us din se apne aap ko behtar banane me kaam shuru kar diya.

Unhone shuruaat computer start karne jaise chote – chote kamo se ki, Nick agar niche gir jate the, to vo bina kisi ki help se khade nahi ho pate the, lekin aaj nick swimming kar sakte hai, vo apni practise ke karan kafi easily likh sakte hai, sky drawing, dram bajaana jaise kai kaam unhone kar dikhaye hai.

Jab nick 19 saal ke hue tab unhone itani sab activity sikh kar motivational speaker ke taur par apna career start kiya aur motivational speaking ke dwaraan unhone b.com me apni graduation bhi complete kar di. 24 ki umar tak aate aate nick ne Life Without Limbs Organization naam ki ek NGO ki sthapna ki.

Jisme vo weak log logo ko life me kuch karne ke liye motivate karte hai. 2007 me 26 ki umar me nick ne Attitude Is Altitude naam ki company ki shuruaat ki , jo ki motivational speaking sikhane ka kam karti hai. 2009 me Nick ne “The Butterfly Circus” naam ko short me film me main actor ke taur par kaam kiya. Jiske liye 2010 me Nick ko “method fest independent film festival” ki taraf se best actor ka award diya gaya, jisame unhone “will” naam ka kirdar nibhaya hai. 

2010 me unhone “life without Limits : InspLife Without Limits : Inspiration For A Ridiculously Good Life” naam ki ek book likhi jo duniya bhar me 30 bhashao me translate ho chuki hai. Ab tak nick total 9 books likh chuke hai aur logo ne unse inspire hokar nick ke upar bhi kafi books likhi hui hai.  

bina hath ke aur bina pair ke paida hue Nick aaj duniya ke sabse safal motivational speaker me se ek hai. Ab tak 40 se bhi jyada desho me apne lecture de chuke hai, jinhe dekhne ke liye kabhi – kabhi lakho ki tadad me audience jama hoti hai.

Nick filhaal cailforniya me apni parivaar ke sath me rahate hai, unki biwi se vo 2008 me apne ek seminar me mile hue the, aur baad me 2012 me dono ne shadi kar li. 1990 me unhe australian young citizen naam ka award mila aur 2005 me unhe australian of the year ke award se sammanit kiya gaya.

  (Short Inspirational Stories in Hindi)

Stephen Hawking Best Motivational Story in Hindi

Dosto Stephen Hawking ek aisa naam hai , jinka black aur bag theory ko duniya ko samjhane ke liye me ek mahatvapurn role hai. Jinhone cosmology ko ek nai disha di, jinhe motor neuron naam ki ek bimari hone ke baad bhi is duniya ko unhone aesi theory di, jo cosmos ko ko janane me kafi helpful sabit hoti hai. 

Dosto Stephen William Hawking ji ka janm ingled me 8 januari 1942 ko Frank aur Isabel ke ghar me hua tha. Unki maa aur pita dono hi medical department me kaam karate the. Unka bachpan oxford shahar me gujra aur jab vo 11 saal ke hue tab vo St. Albans shipt ho gaye.

Stephen ne apni primary school , triniti hall , cambridge se ki or high St. Albans se puri ki. Aur oxford se cambridge me graduation kiya, phir bhi unhone cambridge university se maths aur cosmology me phd puri ki. Collage tak unki life sahi se ja rahi thi, lekin 1963 me jab vo 21 saal ke hue tab unki kharab tabiyat ke chalte unhe hospital le jaya gaya.

Jaha unke test me pata chala ki unhe motor neuron naam ki la ilaj bimari hai, jisme dhire dhire body ke sabhi parts kaam karna band kar dete hai. Usi bimaari ke vajah se doctors ne unhe 2 saal ka time diya aur kaha ki vo isase jyada time tak nahi ji sakte hai. Lekin ye Hawking ki kismat ko shayad majur nahi tha .

Us bimari ke bad Stephen apni life me kabhi hatash nazar nahi aaye, unhe dekh kar kabhi laga hi nahi ki vo is bimari se haar jayenge. Isi bimari ke dwaran unhone university of cambridge se apni PHD ki degree haasil ki aur 1665 me unhone Jane Wilde se shadi kar li.

PHD karne ke baad Hawking ne cebrij me hi researcher ke taur par kaam kiya. Phir 1972 mw Hawking DAMTP me se jude me jaha unhone apni pahali book “The Large Scale Structure of Space And Time” likhi. Usi period me unke body parts ek ek karake kaam karna band kar rahe the.

1974 me unhone black hall thoiry ke bare me bataya jise baad me “Hawking’s Radiation Theory” se bhi jane jana laga. Usi sal 1974 me Hawking ko britain ki royal sosayati ke sabse kam umra ka sadasy chuna gaya. aur 1979 me unhe University of Cambridge me Maths caucasian professor chuna gaya, jo ki ek famous pad hai aur us pad par Hawking ne 2006 tak kaam kiya.

1979 me unhe science me apne contribution ke liye Albert Einstein Madale se vavaja gaya. Phir “the Order of the british empire aur 1988 me physics me woolf price se sammanit kiya gaya. 1988 me unki book “the history of time “ publish hui, jo us samay ki jyada bikne vali book bani, Aur 237 hapto tak chali. 2009 me unhe amerika ka sarvoch nagrik award “presidential medal of freedom” se sammanit kiya gaya.

2014 me Stephen Hawking par ek movie bhi banai gai jiska naam “the theory of everything” tha. Jisme Hawking ki life ke struggle ko bataya gaya hua hai, ki kaise unhone apne sapno ko pura kiya. 14 march 2018 ko is mahan vaigyanik ne duniya ko alvida kaha. Aur insano ki life behtar banane ke liye kai theories aur research piche chhod gaye.  

Unhe apne cariar me hajaro awards mile, Stephen ne apni life ko 53 saal wheel chair par gujari lekin us chair ne unhe kabhi bhi normal insano se slow nahi kiya, aur unke kaam aur science budhi ka koi anth nahi hota agar aap use positive tarike se istemal kare, to duniya me kafi badlav laye ja sakate hai.

Dosto Aaj ke es Real Life Inspirational Stories in Hindi Article me sirf itna hi, agar aapko hamare dwara likha hua yah article pasand aaya honga aur aapke liye upyogi sabit hua hoga? to apne dosto ke sath ese share karna na bhule. aur sath hi aapko Real Life Inspirational Stories in Hindi article kaisa laga? hame niche commet box me comment karake jarur bataaye.

Dosto agar aapko baki aur logo ke baare me padhana hai, to aapko ek best kahani book padhane ke liye suggest karana chahata hu, jisake bare me niche bataya hua hai.

Releted Articles

• Top 15 Best Motivational Stories in Hindi
• Top 10 Best Life Changing Gautam Buddha Stories in Hindi
• Heart Touching Father and Son Story in Hindi
• Best Motivational Story in Hindi For Success in Life
• Short Motivational Story in Hindi With Moral
• Top 15 Failure stories in hindi
• Manan Shah Inspirational Story In Hindi

Real Life Inspirational Stories in Hindi Pdf Free Download

Dosto agar aap real life inspirational stories in hindi pdf free download karana chahate hai? to aap niche diye hue download link par click karake real life inspirational stories in hindi pdf free download kar sakate hai. real life inspirational stories in hindi pdf me 55 ziddi mahan log aur unke had par pagalpan ke baare me likha hua hai. aap es pustak ko download karake jarur padhiye, best kahani book ko download karane ki link niche di hui hai.

Real life inspirational stories in hindi pdf free Download

Dosto agar aap hamare knowledge Grow Blog par pahali baar aaye hue hai? to me aap sabhi se kahana chahunga ki me aap logo ke liye es blog par Biographies, Book summaries, Motivational Stories aur Motivational Quotes In Hindi me lata rahata hu, isiliye aap hamare Knowledge Grow Blog ko Niche diye gaye Left Side ke Bell Icon Par Click karake hamare blog ko Subscribe jarur kijiye. Taki Future me hamare blog par naya article publish hote hi uski notification sabase pahale aapko mil sake.

Dosto aaj ke es Real Life Inspirational Stories in Hindi article me sirf itna hi, dosto phir milenge Aise hi ek Inspirational Article ke sath tab tak ke liye aap jaha bhi rahiye khush rahiye.

Dhanyavaad Aapka Bahumuly Samay Dene Ke Liye….